Qinnuteqarneq tigutinnerlu
Parnaarussanik paarsisunngorniarneq ukiunik 2-nnik sivisutigisarpoq aamma tulliuttunik piumasaqaateqarfiulluni:
- 21-inik ukioqalereersimassaatit
- Minnerpaamik meeqqat atuarfiannit soraarummeersimassaatit
Taakkua saniatigut naatsorsuutigivarput:
- Marlunnik oqaaseqassasutit, imaluunniit qallunaatut/kalaallisut ilinniarnissat sapiissuseqarfigissagit
- Inuup ineriartornera pillugu soqutigisaqassasutit
- Tarnikkut qajannaatsuusutit
- Eqqissisimasuusutit aamma akerleriittoqarnerani aalajaatsuussasutit
- Suleqatigiinni suleqatikkuminartuussutit
Parnaarussanik paarsisutut ilinniarnermi tiguneqarnissat qinnutigigukku, pinerlussimasunut nalunaarsuiffimmiinnersutit misissorneqassaaq. Pinerluttuliornernut ilungersunartunut inuit eqqartuunneqarsimasut Kalaallit Nunaanni Parnaarussiveqarfiit tiguneq ajorpaat. Qinnuteqaatit tamaasa tiguneqarnerannut atatillugu, taamaattoq piviusumik naliliisoqartarpoq, tassanilu pissutsit assigiinngitsut isiginiartarpagut.
Atugassarititaasut
Illoqarfimmit angerlarsimaffigisannit allaanerusumi illoqarfimmi allami atorfinikkuit, sulilernissanut angalaneq tunniunneqassaaq. Atorfinitsinneqarnermut atatillugu sulinermut atatillugu ineqartinneqarnissaq periarfissaavoq.
Tjenestemanditut misiliummik atorfinitsinneqassaatit. Ilinniarneq naammassippat tjenestemanditut pensionisiaqarsinnaatitaallutit atorfinitsinneqassaatit.
Qinnuteqarniaruit
Qinnuteqarnissamut immersugassaq immikkut ittoq immersussavat. Immersugassaq aaneqassaaq aamma uunga nassiunneqassalluni: knp@knp.gl. Qinnuteqaatit piukkunneqarpat, misilitsinnissannut aamma apersorneqarnissamut aggersarneqassaatit. Misilitsinnermi eqqarsarsinnaanermik piginnaasaqarnerit aamma qajannaassutsit nalilissavarput, aamma parnaarussanik paarsisutut ilinniarnissannut suut kajumissuseqartitsilersimanersut pillugit oqaloqatigissavatsigit. Misilitsinneq sioqqullugu ilitsersorneqarumaarputit.
Qinnuteqarnissamut immersugassaq uani aaguk: Qinnuteqarnissamut immersugassaq
Word-inngorlugu uani aaguk: Kriminalforsorgenansogningword97