Inissiisarfimmiittumut saaffiginnigit
Sullissivitsinni inissinneqarsimasunut attaveqarniarneq Kalaallit Nunaanni Parnaarussiveqarfiit ingerlateqqikkusuttarpaat, kisianni tamanna kinaassutsimik isertuussilluni pisarpoq. Sullissivitsinni kikkut pillaatisiaminnik atuinersut ilisimatitsissutigineq ajorparput, taamaattoqarneratalu inuit atiinik taasat inissinneqarsimanersut pillugit uppernarsaasinnaannginnerput kinguneraa.
Periaatsit (oqarasuaat, e-maili, najugaq il.il.) tamaasa inissinneqarsisup ilinnut attaveqarfigisinnaasai ilisimatitsissutigissagakkit pingaaruteqarmat, nalinginnaasumik maluginiarneqassaaq, tassami inissinneqarsimasup atorsinnaanngisaanik tusagassiuuteqarsinnaavoq (assersuutigalugu e-maili)
E-mailit nalinginnaasut paasiuminaallisagaanngimmata, aamma inunnik paasissutissat isertuussaasut mianersuutassallu taamaammat mailitut paasiuminaallisakkatut nassiunneqartariaqarmata, Kalaallit Nunaanni Parnaarussiveqarfiit eqqumaffigeqquaat.
Inuinnaat e-Boks aqqutigalugu mailinik paasiuminaallisakkanik nassiussisinnaapput.
Inissinneqarsimasoq aalajangersimasoq ujarpiuk?
Inissinneqarsimasoq aalajangersimasoq attaveqarfiginiarukku, aamma inissinneqarsimasup sumiinnera nalunngikkukku, inissinneqarsimasumut toqqaannaq allassinnaavutit.
Kisianni inissinneqarsimasumut aalajangersimasumut siuningaani attaveqarfigisimanngisannut, attaveqarniaruit, pineqartumik allakkamik nassiuspisisinnaavutit. Allagaq mailimut ilanngullugu knp@knp.gl nassiunneqassaaq. Mailimi, inissinneqarsimasoq pillugu paasissutissat pigisatit tamaasa (ateq, eqqartuussut, il.il.) allassavatit. Pisuni tamani Kalaallit Nunaanni Parnaarussiveqarfiit mailip nassiussavit tiguneqarsimanera uppernarsassavaat.
Pineqartoq parnaarussiviit arlaanni parnaarussivimmiinngippat, imaluunniit inissinneqartup attaveqarfiginissat kissaatiginngippagu, imaluunniit suliami pissutsit immikkut ittut atuuppata, tusarfigeqqissanngilatsigut.
Inissinneqarsimasup oqaloqatiginissat kissaatigippagu, inissinneqarsimasumit tusagaqassaatit.
Tusagassiornermut tunngasumik oqaluttuassamut pisimasuutitamik ujaasivit?
Oqaluttuassamut pisimasuutitamik ujaasiguit aamma inissinneqarsimasumik aalajangersimasumik suussuseqartumik (arnamik, nakuusersimasutut eqqartuussamik il.il.) attaveqarniaruit, inissinneqarsimasut allagarsiivianni allagarsiussassamik sanassaatit, taamaalilluni, peqataanissartik kissaatigigunikku, inissinneqarsimasut nammineerlutik ilinnut saaffiginnissinnaassammata. Allagarsiussaq annerpaamik qupperneq ataasiussaaq aamma suliniutivit allaaserineqarneranik, inissinneqarsimasumik qanoq ittumik ujaasinerlutit aamma attaveqarfigineqarsinnaanerit pillugu paasissutissat tamaasa imaqassaaq.
Qaqugukkut allagarsiussavit peerneqarsinnaanera allagarsiussanni allakkiuk. Danmarks Fængsler-ip attaveqaqatigiinnermut immikkoortortaqarfianut presse@dkf.dk allagarsiussaq mailimut ilanngullugu nassiunneqassaaq, taassumalu mailit sullissivinnut attuumassuteqartunut ingerlateqqissavaa.
Inissinneqarsimasumik ataatsimik arlalinnilluunniit apersuinissat allagarsiussap kingunerippagu, apersuinissamut akuersissuteqarnissamik qinnuteqaat pillugu quppernermi inissinneqarsimasumik apersuineq-mi atuagaqarnerusinnaavutit.