Tasiilami Parnaarussivik
Parnaarussivimmi aqutsisup saniatigut, parnaarussivimmi nakkutilliisut pisortaannik, parnaarussivimmi nakkutilliisunik aammalu sulisitsiniaanermut ikiortimik nakkutilliinermillu suliaqartumik ataatsimik sulisoqarpoq. Parnaarussivik isertitanut 15-nut inissaqartitsivoq.
Uani attaveqarfigineqarsinnaanitsinnut paasissutissat nassaarisinnaavatit: Attaveqarfigitigut
Parnaarussivimmiinnermi malittarisassat
Ataani ilisaqqunnartumik ulluinnaat qanoq ingerlasarnersut takusinnaavatit. Piffissat taaneqartut tamarmik missingersuutaapput. Ullup ingerlanerani piffissat pujortarfissat inissinneqartarput.
07.00: Katersuunneq (sapaatip akunnerata naanerani aamma nalliuttuni na. 07.30)
08.00-16.00: Suliffik
21.15: Ulloq naavoq (innarfik)
Nerisassaqarneq pillugu immikkut
Parnaarussivimmi nerisassat tungaatigut namminersorneq piuvoq, imaappoq nerisassanik niuerniarneq aammalu iganeq (ilaatigut eqimattakkaarluni igaqatigiinneq) nammineq isumagissavat. Anisinnaatitaaguit sapaatip akunneranut ataasiarlutit Pilersuisumut niuerniarsinnaatitaavutit. Anisinnaatitaanngikkuit niuerniagassatit allattussavatit sulisullu niuerniarneq isumagissavaat.
Nerisassarsiutissannik sapaatip akunneranut ataasiarlutit pissaatit.
Oqarasuaat aamma TV pillugit immikkut
Parnaarussivimmi oqarasuaammik attartorsinnaavutit imaluunniit nammineq pisisinnaavutit, namminerli simkortip pisiarinissaa isumagissavat. Parnaarussivimmiinnerup nalaani oqarasuaammik nammineq pigisaqartoqarsinnaanngilaq.
Parnaarussivimmi TV-mik attartortoqarsinnaanera periarfissaavoq.
Pujortartarneq pillugu immikkut
Parnaarussivik pujortarfiunngilaq. Imaappoq parnaarussiviup iluani, ineeqqanni imaluunniit inini ataatsimoorfiusuni pujortaqqusaanngilatit. Nioqqutissiat nikotinillallit atorneqarsinnaanerat akuerisaavoq. Silami aneertarfimmi aamma parnaarussiviup avataani, aneqqussaatillutit pujortarsinnaavutit. Piffissani aalajangersimasuni pujortarsinnaanerit sulisut ilinnut neqeroorutigissavaat.
Pulaartarnerit pillugit immikkut
Piffissani ukunani pulaartoqarsinnaavutit:
Ataasinngornermiit tallimanngorneq ilanngullugu: 10.00 – 20.00
Sapaatip akunnerata naanerani aamma nalliuttuni: 10.00 – 20.00
Pajutsinneq pillugu immikkut
Parnaarussivimmi sulisut erseqqinnerusumik isumaqatigiissuteqarfiginerisigut, imaluunniit pulaarnermut atatillugu pigisat tigussaasut ilinnut pajugutigineqarsinnaapput. Pajugutit tamarmik ilinnut tunniunneqannginnerminni misissuiffigineqassapput. Pigisat tigussaasut, parnaarussivimmi pigisinnaanngisatit, sulisunit itigartitsissutigineqassammata eqqumaffigissavat. Pajugutigineqartoq misissuiffigineqarsinnaanngippat, aamma taanna sulisunit itigartitsissutigineqassaaq.